1. Մենք խոստացել ենք արդյունավետ կառավարում, որտեղ երաշխավորված կլինի կանանց և երիտասարդների ընդգրկվածությունը: Այն կհումանիզացնի ներկան ու կծրագրավորի ապագան` ժամանակի պահանջներին համընթաց:
2. Մենք պնդում ենք, որ կառուցապատումն իրականացվի անվտանգ և բարենպաստ կենսագործունեության ապահովմամբ:
3. Մենք կառաջնորդվենք կանխարգելման, այլ ոչ թե հետևանքների վերացման տրամաբանությամբ:
4. Մենք պահանջում ենք և վստահեցնում, որ քաղաքի կենսագործունեությունն ապահովող ֆինանսական հոսքերը, որոնք գոյանում են հիմնականում հարկերից, կկառավարվեն համատեղ, իսկ վերահսկումը կտրվի այն ուժին, որը մեր հաղթանակի դեպքում (իսկ մենք հաղթելու ենք), կդառնա ընդդիմություն:
5. Մենք գիտենք, որ այս տարիների գերակայված տնտեսական շահը չի կարողացել լուծել քաղաքի տնտեսական պոտենցիալի ամբողջական օգտագործումը, քանի որ նախագործակցական չի եղել և սա այն պատճառով, որ մասնակցային կառավարումը իսպառ բացակայում է: Հետևաբար, եթե կինը չմասնակցի քաղաքի կառավարմանը, մենք տնտեսության զարգացման հեռանկար չենք ունենա, իսկ բարեկեցիկ կյանքը կմնա սոսկ երազ:
6. Մենք խոստանում ենք բարելավել բնակարանային պայմաններն ու կոմունալ ծառայությունները: Բնակարանային հարմարավետ պայմաններն ու որակյալ կոմունալ ծառայություններն ով կարող է ճիշտ գնահատել, եթե ոչ կինը:
7. Մենք պատկերացնում ենք անվտանգ, մատչելի ու ապահով տրանսպորտային համակարգ:
8. Առանց կնոջ մասնակցության, անհնար կլինի ապահովել երիտասարդության տեղն ու դերը մեր համայնքի կյանքում:
9. Կնոջ բացակայության արդյունքում է աղճատվել մշակութային կյանքը: Մենք բոլորս միասին կվերականգնենք հին ավանդույթները և մայրաքաղաքի մշակութային դիմագիծը:

Վերադարձ